Мақалалар

1

«Ақиқат» — қоғамдық ой отауы болмақ!

11160148_399047363608604_821554095_n

Аманхан ӘЛІМҰЛЫ,

«Ақиқат» журналының Бас редакторы.

Құрметті оқырман!

«Ақиқат»  Ұлттық қоғамдық-саяси журналының екінші жартыжылдығынан Сіздер төмендегідей материалдарды оқи аласыздар. Олар Сіздерді бейжай қалдырмас.Яғни, біз қазақ елінің тарихы, ұлттық сана, ұлттық рух сияқты өзекті мәселелер мен ғылымдағы көкейкесті мәселелерді көтеруді жоспарлап отырмыз.  Әдеттегідей журналмыздың алдағы сандарынан  «Қазақ қандай ұлт?!» атты дөңгелек үстел ұйымдастырылады. Келелі кеңеске  Зардыхан Қиянатұлы, Мәмбет Қойгелді секілді белгілі ғалымдар қатыспақшы. Тарихшы Нәбижан Мұқамедханұлының «Қазақ хандығының  құрылуы негіздері»,  ақын, ғалым Ақылбек Шаяхметтің  «Қазақ қасіретіне көзқарас» атты өткір, тұщымды мақалаларда өзінің кезегін күтіп тұр. Алдағы нөмерлерде әдебиеттану, мәдениеттану ғылымдарына байланысты да  дөңгелек үстелдерді өткізуді жоспарлап отырмыз. «Ғалым мінбері» айдары да тың деректермен толықтырылмақ. Бастысы, «Ақиқат» журналы — қоғамдық ой отауы болмақ!

Сіздерді «Ақиқат» журналының 2015 жылғы 6 айлығына жазылуға шақырамыз!! Журнал ұжымы оқырман ретінде Сіздерге қаншалықты сенсе, Сіздер де бізге мазмұнды да мәнді журнал шығарады деп сеніңіздер!! Әдеттегідей алдағы уақытта да журнал қазақ қоғамының көкейтесті мәселелерін қозғайтын болады. Журналдың назарынан әдебиет сыны мен әдебиеттің басқа да проблемалары тыс қалмайды. Өткір сыни мақалаларды оқитын боласыздар. Сонымен, 6 айға жазылыңыздар!

Біз, «Ақиқат» журналының редакция алқасы өз оқырманымыздың сенімінен шығуға бар қажыр-қайратымызды салып жұмыс істейміз.
 

Куттыктау

Туған күніңізбен!


Г.Бельгер:
 «Ақиқаттың» N7 санын парақтап шықтым. Əрі қуанып, əрі таңдандым.  
Журнал мықты. Материалдар актуальды, тұшымды , өткір. Тиражы  3380. 
Көңілі көлдей, кісіге тек болса дейтін, аңқылдаған ақкөңіл , жаны жайсаң,
əділ, өсек- аяң  ғайбаттан аулақ,  ақылдымсып бөспейтін, аз сөйлеп, 
көп тыңдайтын Аманханға (қашанда) тəнтімін. Оған редактор ретінде де ризамын.
Жұртқа адам жаға ма? Сондай Аманханды да біреулердің олай-бұлай дейтініне түсінбеймін.
Ей, қазақ, Аманхан журналды көтерді емес пе ?  Бізде мəрт, уəдеге берік сайыпқырандар
көп пе соншалық ? Аманханмен мақтану лазым. Менің ұстанымым солай.»
11.09.013 ж.

Куттыктау

Біз де Аманхан ағамызбен мақтанамыз,  Гер-аға!  Бүгін біздің «Қазақ газеттері» серіктестігіне  қарасты «Ақиқат» қоғамдық-саяси журналының бас редакторы, М.Мақатаев сыйлығының иегері,  белгілі ақын, Аманхан Әлімнің туған күні! Пайғамбар жасына келген құрметті әріптесімізге  мықты денсаулық, шығармашылық  биік  белестер, отбасына ырыс- береке, шат ашдыман өмір  тілейміз. Осындай жарқылдаған қалпыңызбен ұзақ жасаңыз, жақсы аға!

 

МЕМЛЕКЕТ ҰЛТТЫ ЕМЕС, ҰЛТ МЕМЛЕКЕТТІ ҚАЛЫПТАСТЫРАДЫ

Аманхан ӘЛІМҰЛЫ, «Ақиқат» журналының бас редакторы, ақын

–Аманхан аға, Ұлтқа қарсы сөз айтқандарға қаламмен майдан ашып, күресіп жүрген жансыз. Ұлт жанашырысыз. Сол өзіңіз ұстаған бағыт-бағдар журналға басшы болып келген соң да жалғасын тауып жатқан болар. Жалпы, бүгінгі «Ақиқат» журналы ұлттық мүддеге қалай араласуда?

– Алғашында «Ауыл коммунисі», «Коммунист», «Қазақстан коммунисі» аталған«Ақиқат» журналының 92 жылдық тарихы бар. Ақиқат жалқы, шындық көп. Мысалы, бүгін қалтаңда ақшаңның жоқтығы шындық, бірақ, ертеңіне қалтаңа ақша біткен күні шындық өледі. Алланың әрі ажалдың жалқылығы ақиқат. Оның мәңгілік болатыны сондықтан. Ақиқат – діни, шындық – тұрмыстық, адами қарым-қатынастық категория. Мәселеге осы тұрғыдан келгенде, біздің журналдың атын айқайлатып қойған. Жалпы, ақиқатты айту және оған қол жеткізу де ауыр. Шындықты айтуға да, оған қол жеткізуге де болады. Соған қарамастан «Ақиқат» журналы шама келгенше ұлттық-мемлекеттік бағыт-бағдарда жұмыс істеп жатыр. Өзім жақсы көретін Ресейдің «Наш современник» деген журналы бар. Оны кезінде Пушкин, Некрасовтар шығарған, содан бері талай редактор ауысты, бірақ, журналдың негізгі тақырыбы, алған бағыт-бағдары ауысқан да, өзгерген де жоқ. Яғни, журнал ұлттық мүддедегі, ұлттық бағыт-бағдардағы идеясы мен идеологиясын сақтады. Неге? Өйткені бұлар о баста негізін солай қалаған.

ҰЛТЫМЫЗ ИНТЕЛЛИГЕНЦИЯДАН НЕ КҮТЕДІ?

Сен бас болсаң, қызметшi халқың аяқ болады. 
Құтып.

Интеллигенция – тапқа да, партияға да кiрмейтiн, не болмаса белгiлi кәсiпқойлардың ұйым мүшелерi де емес, ол тiптi әлеуметтiк топқа да жатпайтын әртектi, әртүрлi мамандықтардағы азаматтар жиынтығы. Сондықтан оның қадiр-қасиетiн, болмыс-бiтiмiн тек оқыған бiлiмдi жаннан iздеудiң өзi де аздық етедi. Интеллигенттiк – ауылдағы немесе қаладағы кез келген қарапайым адамның бойынан табылуы бек мүмкiн құбылыс. Ол – сонымен бiрге, өзiнiң туабiттi мәдениеттiлiгiн былай қойғанда, ең алдымен ой мен iс-әрекетiн ел-жұрт, халық, мемлекет пен қоғам, ұлт мүддесi үшiн iшкi-сыртқы ерiк-еркiндiгi арқылы батыл айтып, атқара алатын АЗАМАТ. Яғни, Толстой айтуындағы «Не могу молчать» деген ұғым-түсiнiгiндегi принципшiл тұлға.

ҰЛТ БОЛАМЫН ДЕСЕҢ «РУЫҢМЕН У ІШПЕ ҚАЗАҚ!» НЕМЕСЕ ҰЛТТЫҚ ИДЕЯ ТУРАЛЫ ОЙ

Қазақстан Еуропа мен Азия, жалпы Батыс пен Шығыстың арасын жалғастыратын алтын көпiр болу үшiн, ең алдымен Еуразия кеңiстiгiнде қазақ ұлт ретiнде өзiнiң РУХАНИ және МАТЕРИАЛДЫҚ құндылықтарын көздiң қарашығындай сақтап қана қоймай, оны оңды-солды аты-жөнi жоқ шашпай, жан-жақты заман, уақыт талабына сай пайдалана бiлуi керек. Мiне, ұлттық идея мен идеологияның негiзi сонда жатыр. Бұл алысты-жақынды шетелге өзге емес, тiкелей олардың өздерiмен жариялы да ашық түрде байланысқа шыққанда ғана орындалатын қадiр-қасиеттер. Ендеше, бiзге қай мемлекетпен байланыспайық, араға делдал салмайтындай, ешкiмге жалтаңдамайтындай дәре-жедегi экономикалық-мәдени, саяси-қоғамдық тәуелсiздiгi мен егемендiгi толыққанды қалыптасқан мемлекет болуға тиiспiз.

ҰЛТҚА ДОСҚАНШЫЛДЫҚ ЖӘНЕ ҒАРИФОЛЛАШЫЛДЫҚПЕН ҚАРАУ ҚАУІПТІ

Ұлт – табиғи, мемлекет – тарихи қоғамдық-саяси категория. Соған қарамай, олардың екеуінің арасын еш бөле-жара талдап, талқылауға болмайды. Өйткені, ол тұтас ағза. Ұлт – жан, мем­лекет – тән. Ал, қазіргі ғаламдастыру деген ұғым-түсінік оның екеуін де жоққа шығарып, жал­пы­ха­лық­тық, жалпыелдік, яғни, бір орталыққа бағынған эко­но­ми­ка­лық-идеологиялық баланстағы қаржылық-интернеттік жүйе қалыптастырғысы келеді. Біздің ұлт – жалқы, халық, ел – жалпы есім деуіміздің сыры сонда.

ҚАЗІР БІЗДІҢ ҚОҒАМДЫ ӨТІРІК ЖАЙЛАДЫ…

Ақын болу – азап кешумен тең. Себебі, қоғамдағы бар­лық құбылыстарға ақындар бей-жай қарай алмайды. Жақ­сы­лық жайттарын шабыттана жырларына қосса, бұ­қа­ра­ның басына түскен қиыншылықтарды бар болмысымен сезініп, мұңға да батады. Ақыр соңында, ақынның бұл күйі өлең түрінде ащы запыран болып төгіледі. Ақын аманхан Әлім­ұлы­мен де сұхбаттасу барысында ел басына түскен тағ­дыр тауқыметіне оның да жүрдім-бардым қарай алмайтынын сезіндік.

Ұлтсыздықты «Атабаевша» ұлықтау немесе нигилизмнің озық үлгісі

Национальность, как здоровье:
их начинаешь действительно
ценить только, когда потеряешь.

Латын мақалы

Осыдан көп жылдар бұрын дәріс алған ұстаздарымыздың бірі белгілі ғалым Белгібай Шалабаевтың «Өмірде не болмайды» атты кітабын оқып, оның өзінен осы тақылеттес сөздерді есіткенде күлетінбіз. Сөйтсек, ол кісі оны өзінің шау тартқан шағындағы жасына орай көріп-білгендерін көкейіне хаттап, көңіліне түйгеннен кейін айтады екен ғой. Бүгінде сол ұс­та­зы­мыз­дың тілге тиек еткендерін өзіміз де осы күні айтып та, жазып та жүрміз.

«ИIСI ШЫҚҚАН ТОҒАН СУДАЙ БОЛМА, ЖАҢА ҺӘМ ЖАҢАЛАН»

Күнi ертең, анау ақтаңдақ жылдары кәдiмгi адам секiлдi ре­прес­сия­ға ұшыраған Ұлыстың (қуатты мемлекет деген ұғым­­да – А.Ә.) ұлы мерекесi де табалдырықтан аттағалы тұр. ендеше, қош келдiңiз әз Наурыз! Бұл мерекенiң қасиеттiлiгi мен киелiлiгi, оның ұрпақтан ұрпаққа алмасып, тiптi, бiр кездегi қара орман қазақтай «мың өлiп, мың тiрiлгенiнде». Онда тә­ңiр­лiк­тен тамыр тартқан сенiм-наным, бағыт-бағдарлы ұстанымға не­гiз­дел­ген мұсылмандықтан өрген Иман, егемен ел, тәуелсiз мемлекет құнттаған зайырлылық та бар. 

АДАМ АЛЛАНЫҢ КӨШIРМЕСI ЕМЕС

Бiз мақаламызға тиек еткелi отырған тақырыпты кезiнде жазып, оқырмандарымызды дiни қандай да кiтапты оқыған кезде оның мақсат-мүддесi, ұстаным-ұстыны қандай екендiгiн ажырата бiлулерi керек екендiгiн ескерткен болатынбыз. Және оған әлi де сан оралатынымызды айтып өткенбiз де. Өйткенi, елi­мiз­де сан түрлi секталардың кең етек жайып, халқымыздың арасына сына қағып жүргенi бәрiмiзге де белгiлi. Ендеше, көше кезiп, үй аралап дiни кiтаптар таратқандарға да өте сақтықпен қа­ра­ға­ны­мыз жөн. Бұны айтып отырған себебiмiз, қолымызға тиген бiр кiтап сол бағыт-бағдардағы ұстанымды насихаттаған жи­нақ. Ол новосибирскiдегi «ЭКОР» баспасынан басылған О.Н. шатохин дегеннiң ағылшын тiлiнен аударған «манифест ислама» атты кiтабы. Авторы – Мухаммад Рафи-уд-Дин. Ол атал­ған кiтабында Исламның ұстанған бағыт-бағдарымен бiрге, оның мән-мағынасы және саяси-моральдық, қоғамдық тұр­ғы­да­ғы алатын орны туралы ой толғайды. Жалпы, автордың Ис­лам­ға деген ниетiнiң қаншалықты түзу екендiгiн бiлмеймiз, бiрақ со­ған қарамай аталған кiтапты оқып отырып көңiлiңе күдiк, кө­кi­ре­гi­ңе түйткiл орнығады екен.