Мемлекет басшысы «ЕвразКаспианСталь» ЖШС прокат зауытының жұмысымен танысты

  • 03.09.2014
  • 244 рет оқылды
  • Пікір жоқ

Қостанай облысындағы жұмыс сапары барысында ҚР Президенті Нұрсұлтан Назарбаев «ЕвразКаспианСталь» ЖШС-да болды, деп хабарлады Ақорданың баспасөз қызметі.

Мемлекет басшысы металды өңдеу және қайта өңдеу, арматура жасау және ұсақ сортты прокаттар шығару жөніндегі инвестициялық жобаның жүзеге асырылу барысымен танысты.

Қазақстан Президентіне прокат жасайтын технологиялық желінің жұмысы мен өндіріс технологиясы туралы, сондай-ақ атқарылып жатқан шаралар жөнінде баяндалды.

Сонымен қатар, Нұрсұлтан Назарбаев кәсіпорынның өндірістік цехтарын аралап көрді.

«ЕвразКаспианСталь» ЖШС-ның Қостанай прокат зауыты темірбетонды конструкцияларды арматуралауға арналған ыстық илемді болат өндіреді. Кәсіпорынның қуаты – жылына 450 мың тонна, онда 250-ден астам адам жұмыс істейді.

Алдыңғы «
Келесі »