Ойтүрткі

СӨЗІМІЗ ЖОҒАЛСА – ӨЗІМІЗ ДЕ ЖОЙЫЛАМЫЗ

Куандық Шамахайулы

Қуандық ШАМАХАЙҰЛЫ,
ҚР мәдениет қайраткері, 
халықаралық журналист

Тіл мен ойдың біртұтас екендігін ғылым әлде­қашан дәлелдеп қойған. Адам баласының нені қалай ойлайтыны, қандай дәрежеде пайымдайтыны оның әрбір сөзі арқылы айқындалмақ. Сондықтан да, қазақ баласының кімді болса да бірауыз сөзінен танып-білуінің өзінде терең мән бар. Белгілі бір тұлғаның қаншалықты ақылды немесе ойсыз пенде екендігін ең алдымен оның аузындағы сөзі анықтап береді. Жай әдеттегі бір сұхбаттасудың өзінде көңілге қонымды, жадыңда сақталар, «шынымен де солай екен-ау» дегізер ойлы сөз айта білген адамды ақылдың кені деп тануға болатын сияқты. 

ИНТЕЛЛИГЕНЦИЯ ТУРАСЫНДА

КойшибаевБейбіт ҚОЙШЫБАЕВ,
жазушы

Журналымыздың 2012 жылғы № 9 санында «Ұлт зиялылары деп кімді айтамыз?» деген тақырыпта келелі кеңес өткізген едік. Оған еліміздегі айтулы азаматтар қатысып, қазіргі қазақ интеллигенциясы туралы өз ойларын ортаға салған еді. Осыған орай, жақында редакция қоржынына белгілі публицист Бейбіт Қойшыбаевтың «Интеллигенция турасында» атты мақаласы түсті. Енді, назарларыңызға осы мақаланы ұсынып отырмыз.

Интеллигенцияның қоғамымызда ерек­­­­ше орын алатыны анық. Оған жұрт ай­­рық­ша үміт арта қарайды. Оның жас­тар тәрбиесінде де зор рөл атқаратыны белгілі. Ал, жас буын – еліміздің келешегі, ендеше интеллигенцияның өскелең ұр­паққа қандай тәлім-тәрбие беріп, үлгі көрсетіп жүргеніне бейтарап қарамау ләзім. Дәлірек айтқанда, осы бір интеллигенция деп аталатын қауымды айқынырақ тануға тырысқан дұрыс. Табиғатына көз жүгіртіп, интеллигенция дегеніміз қандай топ, интеллигент деп кімді айтамыз, ол қандай болу керек деген сауалдарға жауап іздеп байқау абзал. Жалпы, бүгінгі интеллигенттің сыр-сипаты қандай, яки, қандай болуға тиіс?